Hos 3 | NdeIBE | STEP | UJehova wasesithi kimi, “Hamba, utshengisele uthando lwakho kumkakho futhi, lanxa nje ethandwa ngomunye njalo eyisifebekazi. Mthande njengoJehova ethanda abako-Israyeli, lanxa baphendukela kwabanye onkulunkulu njalo bethanda amakhekhe ezithelo ezonyisiweyo.”

Hosea 3

Ukubuyisana kukaHoseya lomkakhe

1 UJehova wasesithi kimi, “Hamba, utshengisele uthando lwakho kumkakho futhi, lanxa nje ethandwa ngomunye njalo eyisifebekazi. Mthande njengoJehova ethanda abako-Israyeli, lanxa baphendukela kwabanye onkulunkulu njalo bethanda amakhekhe ezithelo ezonyisiweyo.”

2 Ngakho ngamthenga ngamashekeli esiliva alitshumi lanhlanu langokwakuphosa kube lihomeri leletheki lebhali. 3 Ngasengisithi kuye, “Uzahlala lami izinsuku ezinengi; akumelanga ube liwule loba wembathe lenye indoda, lami ngizahlala lawe.”

4 Ngoba abako-Israyeli bazahlala izinsuku ezinengi bengelankosi kumbe inkosana, bengelamhlatshelo kumbe amatshe angcwele, bengelasambatho semahlombe kumbe isithombe. 5 Muva abako-Israyeli bazaphenduka bamdinge uJehova uNkulunkulu wabo kanye loDavida inkosi yabo. Bazakuza kuJehova beqhaqhazela kanye lasezibusisweni zakhe ezinsukwini zokucina.